کورونا کے سبب جامع مسجد ممبئی کے حوض میں وضو پر پابندی

کورونا وائرس سے خوف کا عالم ہے، لوگ اس سے بچنے کے لیے احتیاطی تدابیر اپنا رہے ہیں۔ اسی کے مدنظرممبئی کی ایک جامع مسجد میں حوض میں وضو بنانے پر پابندی عائد کر دی ہے۔

کورونا کی وباء کو دیکھتے ہوئے ممبئی کی جامع مسجد نے نوٹس جاری کیا ہے کہ لوگ اب مسجد کے حوض میں وضو بنانے سے گریز کریں اور اپنے گھروں سے وضو بنا کر مسجد میں داخل ہوں۔

اس کے علاوہ مسجد میں مختصر نماز ادا کریں، سنت اور نوافل اپنے گھروں میں ادا کریں۔

آپ کو بتاتے چلیں کہ جامع مسجد ممبئی کی سب سے قدیم مسجد مانی جاتی ہے۔

اس کے علاوہ اس کا طرز اور اس کے اندر موجود حوض کو دیکھنے کے لیے دور دراز سے سیاح آتے ہیں، لیکن ان دنوں مسجد میں سناٹا چھایا ہوا ہے، وہاں آس پاس موجود مارکیٹ میں بھی سناٹا چھایا ہوا ہے۔

مسجد کے اندر بورڈ لگا دیا گیا ہے اور بورڈ پر ہدایت لکھی گئی ہے۔