کورونا وائرس کی وجہ سے پوری دنیا میں ہنگامی حالات پیدا ہوگئے ہیں نیز فضائی خدمات معطل ہونے کی وجہ سے اپنے گھروں سے دور افراد واپسی کے لیے بے چین ہیں۔
اس دوران مہاراشٹر کے وزیراعلیٰ ادھو ٹھاکرے نے کہا کہ 'انہوں نے سنگاپور میں مقیم مہاراشٹر کے باشندوں سے بات چیت کی ہے اور انہیں جلد از جلد بھارت واپس لانے کے لیے اقدامات کر رہے ہیں نیز انہوں نے وزیراعظم نریندر مودی سے بھی اس معاملے میں تعاون کی اپیل کی ہے۔
واضح رہے کہ مہاراشٹر میں کورونا وائرس کے اب تک 150 سے زائد معاملات سامنے آ چکے ہیں جبکہ وزارت صحت کی جانب سے جاری کردہ رپورٹ کے مطابق کورونا وائرس سے متاثر 15 مریضوں کو علاج کے بعد ڈسچارج کر دیا گیا ہے۔
اس جام لیوا وائرس سے بھارت میں تین افراد کی موت ہوچکی ہے جبکہ ہر روز ایک نیا معاملہ سامنے آنے سے حکومت مستعد ہے اور متعدد شہروں میں دفعہ 144 بھی نافذ کر دی گئی ہے نیز اسکولز اور کالجوں میں 31 مارچ تک تعطیل اور تمام امتحانات کو ملتوی کرنے کی ایڈوائزری جاری کی گئی ہے۔
