ضلع ناسک کے شہر میں ایک صنعتی آکسیجن پلانٹ سے ریاستی وزیر داداجی بھوسے نے مالیگاؤں شہر کے لیے آکسیجن سلینڈرس فراہم کرنے کا مطالبہ کیا تھا۔ اس کے بعد گنیش انٹرپرائزز سنٹر ایم آئی ڈی سے آکسیجن کی تیاری میڈیکل آکسیجن پلانٹ میں شروع ہوئی۔
اس آکسیجن پلانٹ میں تیار کردہ آکسیجن کے 235 سلینڈر مالیگاؤں کے عوام کے لیے دستیاب ہو چکے ہیں۔
دادا بھوسے نے اس تعلق سے کہا کہ ضلع میں آکسیجن کی شدید قلت کا مسئلہ درپیش ہے۔
انھوں نے ضلع کلکٹر اور فوڈ اینڈ ڈرگ ایڈمنسٹریشن کو ایک صنعتی آکسیجن پلانٹ حاصل کرنے اور وہاں میڈیکل آکسیجن تیار کرنے کی تجویز پیش کی تھی۔
اسی مناسبت سے مالیگاؤں، سنر ایم آئی ڈی سی، ڈسٹرکٹ کلکٹر اور فوڈ اینڈ ڈرگ ایڈمنسٹریشن نے گنیش انٹرپرائزز کو میڈیکل آکسیجن پلانٹ شروع کرنے کے لیے فوری منظوری دی۔
اس پلانٹ میں تیار کردہ آکسیجن کے 235 سلینڈر کی پہلی کھیپ مالیگاؤں میں مریضوں کے لیے مہیا کی گئی۔ داداجی بھوسے نے کلکٹر، فوڈ، ڈرگ ایڈمنسٹریشن اور اس کے لیے گنیش انٹرپرائزز کے ڈائریکٹر کا شکریہ ادا کیا۔
جیسے ہی 235 آکسیجن سلینڈر والی گاڑی مالیگاؤں میں داخل ہوئی تو یہاں دادا بھسے نے اس گاڑی کا استقبال کیا۔ اس موقع پر پرمود شکلا، سنجے دوسانے، پلانٹ آفیسر ڈاکٹر وجیانند شرما، ڈپٹی کمشنر نتن کاپڑنیس، ڈاکٹر جتن، بھاؤ صاحب جادھو، پروین جادھو اور دیگر عہدیداران موجود تھے۔
