مہاراشٹر کے مسلم اکثریتی شہر مالیگاؤں میں خودکشی کرنے کی شرح نہ کے برابر تھی۔ تاہم گزشتہ کئی ہفتوں سے خودکشی کے واقعات پیش آرہے ہیں۔ جس سے عوامی حلقوں میں تشویش پائی جا رہی ہے۔ suicide Increased in Malegaon
مالیگاؤں و اس کے اطراف میں اگست ماہ میں تقریبا 150 سے زائد خودکشی کے واقعات رونما ہوئے تھے، جبکہ جاری ماہ میں ایک ریکارڈ کے مطابق خودکشی کرنے والوں میں خواتین، بے روزگار اور نوجوانوں کی تعداد میں پہلے کے مقابلے اضافہ ہوا ہے۔
اس تعلق سے آل انڈیا مسلم پرسنل لاء بورڈ کے سکریٹری مولانا عمرین محفوظ رحمانی نے ای ٹی وی بھارت سے بات کرتے ہوئے بتایا کہ مالیگاؤں کی ملک بھر میں ایک دینی شناخت اور پہچان ہے۔ وہیں دوسری طرف حالیہ دنوں جرائم کی شرح میں تیزی سے اضافہ ہوا ہے جو کہ تشویش کا باعث ہے۔ شہر میں مسلسل قتل، خودکشی اور دیگر واقعات رونما ہورہے جس کی وجہ معاشی تنگی اور نشے کی لت بتایا جارہا ہے۔
مزید پڑھیں:
ایک سوال کے جواب میں مولانا نے بتایا کہ پسماندہ علاقوں میں مختلف قسم کے نشے رائج کیے جارہے ہیں۔ جس کی چھوٹے چھوٹے بچے شکار ہورہے ہیں اور یہ تمام جرائم ایسے ہے جو کسی بھی معاشرے و سماج کو تباہ کرنے کیلئے کافی ہیں۔ تاہم وقت رہتے ہوئے ہمیں اس پر قدغن لگانا چاہئے تاکہ دیگر جرائم پر قابو پایا جاسکے۔
