اورنگ آباد: 'چھوٹے کاروباریوں کو چھوٹ ملنی چاہیے'

ملک میں کورونا وائرس تیزی سے پھیل رہا ہے۔ ایسے میں مہاراشٹر کے اورنگ آباد میں کورونا وائرس کے مریضوں کی تعداد میں کمی آئی ہے۔ جس کو لیکر اورنگ آباد کے رکن پارلیمان امتیاز جلیل کا خیال ہے کہ رمضان کے آخری عشرے میں چھوٹے کاروباریوں کو کاروبار کی چھوٹ ملنی چاہیئے۔

ایم پی امتیاز جلیل کا کہنا ہے چھوٹے کاروباریوں نے کورونا وبا کے دوران اپنا کاروبار بند کر کے پولیس کا تعاون کیا تھا، جس کی وجہ سے کورونا کے مریضوں میں کمی آئی ہے۔

ان کا کہنا ہے کہ اس تعلق سے پولیس کمشنر سے نمائندگی کی جائے گی تاکہ کپڑا کاروباری اور دیگر چھوٹے کاروباریوں کو عید کے کاروبار کا موقع مل سکے۔

ایم پی امتیاز جلیل نے کہا کہ عوام نے انتظامیہ کو بھر پور تعاون کیا ہے، جس کے مثبت اثرات بھی ظاہر ہورہے ہیں لیکن انتظامیہ کو بھی عوام کا خیال رکھنا چاہئے۔

رکن پارلیمان امتیاز جلیل نے کہا کہ اس کے لیے جلد ہی کوئی حل نکالا جائیگا۔