مہاراشٹر میں کورونا مریضوں کی تعداد میں تیزی سے اضافہ ہورہا ہے۔ اس کے علاوہ دادر کے شیوسینا بھون میں ایک سینئر شیوسینا رہنما کی کورونا رپورٹ مثبت موصول ہوئی ہے۔ اس خبر کی تصدیق شیوسینا بھون سے کی گئی ہے۔ شیوسینا بھون کو کچھ دنوں کے لیے سیل کردیا گیا ہے۔اس خبر کی تصدیق شیوسینا بھون سے ہوئی ہے۔
شیوسینا کے صدر دفتر کو سینیٹائز کرنے کے لیے بند کردیا گیا ہے، کہا گیا ہے کہ کچھ دنوں کے بعد معمول کے مطابق صدر دفتر دوبارہ شروع ہوجائے گا۔
لاک ڈاؤن ہونے کے باوجود شیوسینا کے کئی سرکردہ رہنما شیوسینا بھون میں موجود رہے، چار دن قبل شیوسینا کی 54 ویں یوم تاسیس تھی۔جس میں شیوسینا سربراہ ادھو ٹھاکرے، ریاستی وزیر آدتیہ ٹھاکرے، میئر کیشوری پیڈنیکر، ریاستی وزیر ایکناتھ شندے سمیت کئی رہنما موجود تھے۔
واضح رہے کہ مہاراشٹر نونرمان سینا کے سربراہ راج ٹھاکرے کے ڈرائیور کی بھی کورونا رپورٹ مثبت آئی تھی ہسپتال میں جن کا علاج جاری ہے، اس سے قبل راج ٹھاکرے کے باڈی گارڈ کی بھی کورونا رپورٹ مثبت آئی تھی۔
