مہاراشٹر کی ریاستی وزیر تعلیم ورشا گائیکواڑ نے جمعہ کے روز کہا کہ کورونا کی وجہ سے پیدا شدہ صورتحال کے سبب ریاست میں دسویں اور بارہویں کے امتحانات کا انعقاد مئی 2021 سے پہلے ممکن نہیں ہیں۔
انہوں نے کہا کہ ریاستی حکومت نے نصاب مکمل کرنے اور امتحان دینے کے معاملے پر تبادلہ خیال کیا ہے۔
گائیکواڑ نے مزید بتایا کہ مہاراشٹر اسٹیٹ بورڈ آف سیکنڈری اور ہائر سیکنڈری ایجوکیشن کے امتحانات مئی سے پہلے ممکن نہیں ہے. میں نے اس معاملے پر بھی بات کی ہے کہ کتنانصاب پڑھایا جاسکتا ہے تاکہ اساتذہ باقی حصہ مکمل کر سکیں. ہمیں نصاب میں کم ازکم 25 فیصد کٹوی کرنا ہوگا۔
انہوں نے کہا کہ دیوالی کے بعد ریاست میں اسکولز کو کھولنے کا اعلان کیا جائے گا.
