انتخابی عمل پُرامن طور پر منعقد کرانے کیلئے پولیس انتظامیہ نے انتخابی ضابطہ اخلاق پر سختی سے عمل کرنے ہداہت دی ہے اور خلاف ورزی کرنے والوں پر سخت کارروائی کرنے کاانتباہ دیا ہے۔
اس ضمن میں پولیس نے متعدد ایسے افراد کے خلاف غیر ضمانتی وارنٹ جاری کیا ہے جو مجرمانہ سرگرمی میں ملوث ہیں۔
پولیس ذرائع سے موصولہ اطلاعات کے مطابق پارلیمانی انتخاب کی تاریخوں کا اعلان ہوتے ہی ضابطہ اخلاق نافذ کردیا گیا۔
دو اپریل سے بھیونڈی پارلیمانی حلقہ میں نامزدگی داخل کرنے کا عمل شروع ہوگیا ہے جس کی وجہ سے پولیس محکمہ پوری طرح مستعد ہوگیا ہے۔
پولیس کمشنر وویک پھنسالکرنے، ڈی سی پی انکت گوئل سمیت سینئر پولیس افسران کے ساتھ گفتگو کرکے شہر میں نظم و نسق بنائے رکھنے کیلئے پولیس کو 24 گھنٹے چوکنارہنے کی ہدایت دیاہے تا کہ شہر میں کسی بھی طرح کا کوئی ناخوشگوار واقعہ پیش نا آئے۔
