ممبئی: سابق رکن پارلیمان عتیق احمد اور ان کے بھائی اشرف کو اتر پردیش کے پریاگ راج میں پولیس حراست میں قتل کیے جانے کے چند دن بعد نیشنلسٹ کانگریس پارٹی کے سربراہ شرد پوار نے منگل کو کہا کہ اگر حکمران قوتیں آئین اور قانون کو نظر انداز کرنے کی عادت ڈالیں گی تو ملک غلط راستے پر چلا جائے گا۔ ممبئی میں ایک افطار پارٹی سے خطاب کرتے ہوئے پوار نے کہا کہ ملک آئین اور قانون کے مطابق چلتا ہے۔ اگر حکمران طاقتیں آئین اور قانون کو نظر انداز کرکے قدم اٹھانے کی عادت ڈالیں گی، تو ہم غلط راستے پر چلے جائیں گے۔ انہوں نے کہا کہ قانون اور آئین کو فراموش کرنے اور قانون کو ہاتھ میں لے کر قدم اٹھانے کی بات کی جاتی ہے اور اگر ایسا ماحول بنانے کی کوشش کی گئی تو یہ ملک کے لیے ٹھیک نہیں ہے۔
-
#WATCH NCP chief Sharad Pawar says, "A country runs as per the Constitution and law. If ruling forces inculcate the habit of taking steps by ignoring the Constitution and law, we will go down the wrong path...If taking steps by forgetting law & Constitution and by taking law into… pic.twitter.com/l59RI4AhyK
— ANI (@ANI) April 18, 2023 " class="align-text-top noRightClick twitterSection" data="
">#WATCH NCP chief Sharad Pawar says, "A country runs as per the Constitution and law. If ruling forces inculcate the habit of taking steps by ignoring the Constitution and law, we will go down the wrong path...If taking steps by forgetting law & Constitution and by taking law into… pic.twitter.com/l59RI4AhyK
— ANI (@ANI) April 18, 2023#WATCH NCP chief Sharad Pawar says, "A country runs as per the Constitution and law. If ruling forces inculcate the habit of taking steps by ignoring the Constitution and law, we will go down the wrong path...If taking steps by forgetting law & Constitution and by taking law into… pic.twitter.com/l59RI4AhyK
— ANI (@ANI) April 18, 2023
نیشنلسٹ کانگریس پارٹی کے سربراہ کا یہ تبصرہ اس وقت آیا جب سابق رکن پارلیمان عتیق احمد اور ان کے بھائی اشرف احمد کی ہفتہ کو پریاگ راج میں طبی معائنے کے لیے لے جانے کے دوران گولی مار کر ہلاک کردیا گیا۔ دونوں بھائیوں کو عتیق احمد کے بیٹے اسد کو اتر پردیش کے جھانسی میں ایک مبینہ انکاؤنٹر میں مارے جانے کے چند دن بعد گولی مار کر ہلاک کردیا گیا۔
ضلع عدالت نے تین شوٹروں ارون موریہ، سنی سنگھ اور لولیش تیواری کو اتوار کو 14 دن کی عدالتی حراست میں بھیج دیا۔ نیشنل ہیومن رائٹس کمیشن (این ایچ آر سی) نے منگل کو عتیق احمد اور ان کے بھائی اشرا کی پولس حراست میں قتل کے معاملے کا نوٹس لیا اور اتر پردیش کے پولیس ڈائریکٹر جنرل اور پریاگ راج کے کمشنر کو نوٹس جاری کیا۔ این ایچ آر سی نے ریاستی پولیس سے کہا ہے کہ وہ چار ہفتوں کے اندر رپورٹ پیش کرے۔ عتیق احمد کے جسم پر کیے گئے پوسٹ مارٹم کے ابتدائی نتائج سے پتہ چلتا ہے کہ عتیق کو کم از کم آٹھ گولیاں ماری گئی تھیں جن کے سر، گردن اور سینے میں گولیاں لگیں تھیں۔
