مہاراشٹرکو کووڈ کے ٹیکے زیادہ دستیاب کرانے کی ضرورت: نواب ملک

نواب ملک نے کہا کہ ملک میں یومیہ ایک کروڑ ٹیکے دستیاب ہونے چاہیے، مہاراشٹر میں 25-20 لاکھ لوگ ہر روز ٹیکے کی دوسری خوراک کا انتظار کر رہے ہیں۔

نیشنلسٹ کانگریس پارٹی (این سی پی) کے قومی ترجمان نواب ملک نے ہفتہ کو کہاکہ کیرالہ اور مہاراشٹر میں کورونا کے مریضوں کی بڑھتی ہوئی تعداد کے پیش نظر ان دونوں ریاستوں میں زیادہ ٹیکے دستیاب کرائے جانے چاہیے۔

انہوں نے ایک بیان میں کہا کہ ملک میں ایک دن میں ایک کروڑٹیکہ لگانا کوئی بڑی بات نہیں ہے۔ ملک میں یومیہ ایک کروڑ ٹیکے دستیاب ہونے چاہیے، مہاراشٹر میں 25-20 لاکھ لوگ ہر روز ٹیکے کی دوسری خوراک کا انتظار کر رہے ہیں۔ انہوں نے دعوہ کیا کہ ریاستی حکومت کو دوسری خوراک کے ٹیکے کے اسٹاک کی ضرورت ہے۔

یو این آئی