گزشتہ روز شمالی ممبئی کے علاقے ایرولی سے تھانے کی طرف آنے والی ٹرانس ہاربر لائن میں تکنیکی خرابی کے سبب تقریباً ایک گھنٹہ آنے اور جانے والا روٹ مکمل طور سے بند کیا گیا تھا۔
اس ریل روٹ پر دوپہر میں تقریباً تین بجے خرابی پیش آئ اور تین بجکر 50 منٹ پر ریلوے انتظامیہ نے اس خامی کو درست کرتے ہوئے ریل خدمات کو بحال کردیا۔
ریلوے روٹ متاثر
اس روٹ پر لوکل اور ایکسپریس سبھی ٹرینیں متاثر ہونے کے سبب ایرولی سے لیکر تھانے اور ہاربر روٹ پر ایک مقام سے دوسرے مقام جانے والے مسافروں کا اژدہام دیکھنے کو ملا۔
واضح رہے کہ عروس البلاد ممبئی میں ٹرین خدمات کی ذرا سی بھی تاخیر ہونے پر ہلچل مچ جاتی ہے کیونکہ یہاں سے روزانہ تقریباً پورے ملک میں ٹرینیں روانہ ہوتی ہیں۔
