ملک میں کورونا وائرس وبا سے سب سے زیادہ متاثرہ ریاست مہاراشٹر میں پھر سے کورونا انفیکشن کے نئے معاملات کے مقابلہ میں صحت یاب ہوئے لوگوں کی تعداد میں کمی آنے سے فعال معاملات میں اتوار کو اضافہ درج کیا گیا اور فعال معاملات بڑھ کر پھر سے 1.40 لاکھ سے زیادہ ہوگئے۔
ریاست میں اس دوران صحت یاب ہوئے لوگوں کی تعداد میں کمی ہونے سے فعال معاملات میں 288 کا مزید اضافہ درج کیا گیا۔ فعال معاملات کی تعداد بڑھ کر اب 1,40,486 تک پہنچ گئی ہے۔
ریاست میں گزشتہ چوبیس گھنٹوں کے دوران 6,059 نئے معاملے آنے سے متاثرین کی تعداد بڑھ کر 16,45,020 ہوگئی ہے۔
سرکاری ذرائع کے مطابق اسی مدت میں 5,648 مزیدمریضوں کے اس مرض سے نجات پانے والوں کی تعداد 14,60,755 اور 112 مزید مریضوں کی موت ہوجانے سے مرنے والوں کی تعداد 43,264 ہوگئی ہے۔
ریاست میں مریضوں کے صحت یاب ہونے کی شرح بڑھ کر 88.79 فیصد پر پہنچ گئی ہے جبکہ اموات کی شرح محض 2.62 فیصد ہے۔
خیال رہے کہ مہاراشٹر پورے ملک میں کورونا وائرس اور اس سے ہونے والی اموات کے معاملہ میں پہلے نمبر پر ہے۔ سب سے زیادہ فعال معاملات بھی اسی ریاست میں ہیں۔
