مہاراشٹر میں ضلع پالگھر کی ایک خاتون نے شیوسینا کے رکن پارلیمان راجیندر گاوت کے خلاف جنسی ہراساں کرنے کا الزام لگاتے ہوئے شکایت درج کروائی ہے۔ تاہم رکن پارلیمان نے ان الزامات کی تردید کی ہے۔
پالگھر: شیوسینا کے رکن پارلیمان پر جنسی ہراسانی کا الزام
گیس ایجنسی میں ملازمت کرنے والی اس خاتون نے اپنی شکایت میں الزام لگایا ہے کہ ایجنسی کے مالک گاوت نے اس کے ساتھ غیر اخلاقی حرکتیں کرنے کی کوشش کی۔
خاتون نے جمعہ کے روز پولیس اسٹیشن میں گاوت کے خلاف تحریری شکایت دی ہے۔
پالگھر: شیوسینا کے رکن پارلیمان پر جنسی ہراسانی کا الزام
خاتون کے الزامات پر گاوت نے کہا کہ شکایت میں کوئی صداقت نہیں ہے اور یہ ان کی شبیہہ کو داغدار کرنے کی کوشش ہے۔ رکن پارلیمان نے الزام لگایا کہ اس خاتون نے ایجنسی سے رقم غبن کی ہے، جس کے بعد اسے ملازمت سے برطرف کردیا گیا، جس کی وجہ سے وہ اب بدلہ لینا چاہتی ہے۔
افسر نے بتایا کہ پولیس نے مقدمہ درج کرلیا ہے اور تفتیش کی جارہی ہے۔
