ریلوے ٹکٹ دلالوں کا سرغنہ گرفتار

اسکولوں میں چھٹیاں دے دی گئی ہے اور ایسے وقتوں میں زیادہ تر لوگ اپنے وطن گھومنے جاتے ہیں اور اس وقت لوگوں کی تعداد زیادہ ہونے کی وجہ سے ریلوے ٹکٹ ملنا بھت مشکل ہو جاتا ہے۔

لوگوں کی اسی مجبوری کا فائدہ اٹھاکر ٹکٹ دلال انتہائی مہنگے داموں میں ٹکٹ فروخت کرتے ہیں۔

ممبئی کے ریلوے پروٹیکشن فورس ( آر پی ایف) نے ایسے ہی ایک دلالوں کے سرغنے کو گرفتار کیا ہے اور اس کے پاس سے 20 لاکھ کے ریلوے ٹکٹ بھی برآمد کیے ہیں۔

اس معاملے میں ایڈیشنل کمشنر آف پولیس ارون ترپاٹھی کا کہنا ہے کہ آر پی ایف کی گرفت میں آئے اس سرغنہ کا نام پون راج امانول ہے جو ریلوے کا ٹکٹ کی کالا بازاری کرنے والی گینگ کا سربراہ ہے۔

یہ ملزم چننئی، اتر پردیش، بہار جانے والے مسافروں سے موٹی رقم وصول کرتا تھا آر پی ایف کو اطلاع ملی کہ ممبئی کے چمبور علاقے میں ریلوے ٹکٹ کی کالابازاری ہو رہی ہے اس کے بعد ریلوے افسران نے اس کی یہاں چھاپے ماری کی اور اس کے یہاں سے 20 لاکھ قیمت کے ریلوے ٹکٹ کے ساتھ رنگے ہاتھوں گرفتار کر لیا۔