شہر کے قدیم ادارہ 'نثری ادب' کی جانب سے ماہانہ ادبی نشست بروز سنیچر 28 ستمبر 2019 کی شب اے ٹی ٹی اسکول کے مرکزی ہال میں منعقد کی گئی۔
اس ادبی نشست کی صدارت معروف افسانہ نگار، نعت گو و مدرس جناب افضال انصاری نے کی۔ نطامت کے فرائض کو ناظم نسل نو رضوان ربانی نے بخوبی انجام دیے۔۔
قلمکاران نشست میں نوجوان افسانہ نگار مجتبی زید، پرنسپل ڈاکٹر شیخ مجیب، تبصرہ نگار لئیق انور، ادیب اطفال عبدالمجید ماسٹر اور قلمکار عزیزالرحمن ماہی نے اپنی تخلیقات پیش کیں۔
اس نشست میں بطور مہمان خصوصی صدر ادارہ نثری ادب محمد اسحاق خضر، عمران جمیل معروف افسانہ نگار، عتیق شعبان اور دیگر نے شرکت کی۔ نشست میں کثیر تعداد میں محبان اردو اختتام تک شریک رہے۔
رضوان ربانی رکن ادارہ نثری ادب نے اپنے تاثرات میں کہا کہ سال 2019 کی یہ آخری رنگا رنگ تاریخی و بے مثال ماہانہ ادبی نشست ہے۔ ادارہ نے 178 ویں نشست گزشتہ 16 برسوں میں مکمل کر لی ہے۔ اس نشست کے ذریعے سینکڑوں قلمکاروں کو اپنے فن پاروں اور تخلیقات کو پیش کرنے کا موقع فراہم ہوا ہے۔
