تقریب کا انعقاد بھکو چوک بم دھماکہ کی جگہ رات 8 تا 10 بجے تک ڈیفنس آف انڈیا مسلم آرگنائزیشن کے زیر اہتمام منعقد کیا گیا۔
اس موقع پر صدر جلسہ مولانا عبدالباری قاسمی رکن کل جماعتی تنظیم نے کہا کہ ایسے نازک دور میں جب پورے بھارت میں منظم سازش کے تحت سلسلہ وار بم دھماکے ہو رہے تھے۔
یہ دھماکے مالیگاؤں ، دہلی، حیدرآبار، اجمیر، ممبئی اور دیگر مقامات پر ہوئے اور اور اس کا الزام مسلمانوں پر ہی عائد کیا جاتا رہا۔ ایسے وقت میں انتہائی ایماندار پولس افسر شہید ہیمنت کرکرے نے مالیگاؤں بھکو چوک بم دھماکہ میں ہندو دہشت گردوں کا چہرہ بے نقاب کیا اور سلسلہ وار بم دھماکے رک گئے۔ مسلمان شہید ہیمنت کر کرے کے ہمیشہ احسان مند رہیں گے اور انھیں ہر برس خراج عقیدت پیش کریں گے۔
سماجی کارکن سنجے پاٹل نے کہا کہ مالیگاؤں ایک حساس شہر کی حیثیت سے جانا جاتا ہے تاہم بھکو چوک بم دھماکہ اور بڑا قبرستان سلسلہ وار بم دھماکوں کے بعد شہریوں نے جس طرح سے امن و امان کا مظاہرہ پیش کیا۔ اس کی مثال پورے دنیا میں نہیں ملے گی۔
اس جلسہ خراج عقیدت کے موقع پر شہر کی سماجی، سیاسی سرکردہ شخضیات جن میں ابھے شاہ، سلیم رضوی، سمیع اللہ ، ڈاکٹر ریاض نے خطاب کیا۔ تقریب کے منتظم سید آصف علی نے تمام مہمان کا استقبال کیا اور ان کی آمد کا شکریہ بھی ادا کیا۔
جلسے کا اختتام دو منٹ کھڑے رہ کر شہید ہیمنت کر کرے اور شہداء ممبئی کو خراج عقیدت پیش کر کے ہوا۔ نیز بھکو چوک میں بنائے گئے شہید ہیمنت کر کرے کے مجسمے کی گل پوشی بھی کی گئی۔
