مہاراشٹر: کورونا مریضوں کی تعداد 44 ہزار کے پار

ملک میں کورونا وائرس کی عالمی وبا سے سب سے زیادہ متاثر ہ ریاست مہاراشٹرا میں گزشتہ 24 گھنٹے کے دوران مزید 2718 مریضوں کے اضافے کے بعد جمعہ کے روز زیر علاج مریضوں کی تعداد بڑھ کر 44765 ہو گئی۔ اس عرصے کے دوران ریاست میں 6112 نئے متاثرین کی تصدیق ہونے سے متاثرہ افراد کی کل تعداد بڑھ کر 2087632 ہوگئی ہے۔

سرکاری ذرائع کے مطابق اس عرصے میں مزید 2159 مریضوں کی شفایابی کے ساتھ صحتیاب ہونے والوں کی تعداد 1989963 ہوگئی ہے اور مزید 44 مریضوں کے فوت ہوجانے سے اموات کی کل تعداد 51713 ہوگئی ہے۔

ریاست میں مریضوں کی شفایابی کی شرح جزوی طور پر گھٹ کر 95.32 فیصد پر آگئی ہے جبکہ اموات کی شرح 2.48 فیصد ہے۔ واضح ر ہے کہ کورونا وائرس کے معاملے میں مہاراشٹر ملک میں پہلے نمبر پر ہے۔