مسلم ریزرویشن اور آئین بچانے کے لیے اورنگ آباد سے ممبئی منترالے تک لانگ مارچ
اورنگ آباد:ریاست مہاراشٹر کے اورنگ آباد سے مسلم ریزرویشن کے مطالبے پر مائناریٹی کونسل آف مہاراشٹر کی جانب سے ممبئی منترالی تک لانگ مارچ کی شروعات کی ہے۔ کئی ساری کمیشن و کمیٹیوں نے اپنی رپورٹس میں مسلمانوں کی حالت نہایت پسماندہ بتاتے ہوئے انہیں قومی دھارے سے جوڑنے کے لیے زندگی کے ہر شعبے میں ریزرویشن دینے کی سفارش بھی کی تھی۔ مگر ان سفارشات کو اب تک روب عمل نہیں لایا گیا جس کے سبب مسلمانوں کی حالت اور ابتر ہونے لگی ہے۔
مسلم اتحاد فرنٹ اور ریلی نکالنے والے کنوینر جاوید قریشی کا کہنا ہے کہ پچھلے ایک مہینے سے مسلسل ریلی نکلنے کی جدو جدوجہد کی جا رہی تھی تاکہ مسلم ریزرویشن اور ہندوستان کے آئین کو بچایا جا سکے موجودہ دور میں آئین کی دھجیاں اڑائی جا رہی ہیں۔
