جلوس حضرت نظام الدین اولیا کی درگاہ سے نکالا گیا جو شہر کے مختلف شاہراہوں سے ہوتا ہوا حضرت پیر غیب صاحب کی درگاہ پر اختتام پذیر ہوا۔
اس موقع پر سینکڑوں کی تعداد میں لوگوں نے جلوس میں شرکت کی اور خواجہ غریب نوازؒ سے اپنی وابستگی کا اظہار کیا، جلوس کی قیادت حضرت نظام الدین اولیاؒ درگاہ کے نائب سجادہ نشین سید محبوب نظامی نے کی، اس موقع پر تقسیم تبرک اور لنگرکا بھی اہتمام کیا گیا۔
اورنگ آباد میں جلوس غریب نواز
ذمہ داروں کا کہنا ہے کہ خواجہ غریب نواز نے خدمت خلق اور کثرت میں وحدت کا جو پیغام دیا ہے، اس پر عمل کیا جائے تو دنیا بھر میں امن و امان قائم ہوسکتا ہے۔
