اورنگ آباد کی چار سو سالہ تاریخی مسجد میں رمضان کا پہلا جمعہ

نماز اسلام کے بنیادی ارکان میں سے ایک ہے اس لیے مساجد سے مسلمانوں کا بڑا گہرا رشتہ رہا ہے، کورونا وبا اور لاک ڈاؤن کے سبب مساجد بند ہونے سے مسلمانوں کا ایک بڑا طبقہ مایس نظر آرہا ہے۔

اورنگ آباد شہر میں شہنشاہ اورنگ زیب عالمگیر کے سپہ سالار جمیل بیگ کے ذریعے تعمیر کردہ اس چار سو سالہ قدیم مسجد کی رونق رمضان میں قابل دید ہوا کرتی تھی۔

مسجد جمیل بیگ

اس مسجد کا نام جمیل بیگ ہے اور جمعہ کے موقع ہر اکظر یہاں تین ہزار سے زائد لوگ نماز ادا کرنے کے لیے آتے تھے اور اب ان کے نام یہاں کئی فلاحی کام کیے جارہے ہیں۔

مسجد کے ذمہ دار محمد معید الحشر نے بتایا کہ اس مسجد میں نمازیوں کی آمد سے ہونے والی رونق قابل دید ہوا کرتی تھیں کیونکہ یہاں رمضان میں معمول کے مطابق سحر و افطار کا نظم کیا جاتا تھا۔

لیکن کوروناوائرس کے قہر کے سبب مقامی مسلمان اس مسجد سے کٹ کر رہ گئے ہیں۔

یہاں کی تمام مساجد پر تالے پڑے ہیں، مساجد میں صرف چار تا پانچ افراد ہی نماز و جماعت کا اہتمام کررہے ہیں اور روزہ دار اپنے اپنے گھروں میں قید ہوکر رہ گئے ہیں۔