مہاراشٹر کے شہر مالیگاؤں میں پچھلے کئی دنوں سے کورونا وائرس انفکشن کیسز مین خاطر خواہ کمی واقع ہوئی تھی لیکن موسم میں تبدیلی کے پیش خدشہ ظاہر کیا جا رہا ہے کہ ایک بار پھر سے کورونا وائرس حملہ آور ہوسکتا ہے۔
اس معاملے میں ضلع کلکٹر سورج مانڈھرے نے ویڈیو پیغام کے ذریعے واضح کیا کہ کورونا وائرس کے دوبارہ اثر انداز ہونے کا خدشہ ہے لہذا شہریان احتیاطی تدابیر پر عمل کریں۔
انہوں نے مزید کہا کہ گزشتہ دنوں جب کورونا وائرس کیسز میں تیزی تھی تب ہم سبھی نے انتظامیہ کا تعاون کیا اور ہم کورونا سےجیتنے میں کامیاب ہوئے تھے چونکہ ان دنوں کورونا کی دوسری لہر کا خدشہ ہے اور ہمیں پُر ہجوم مقامات پر ماسک سمیت سماجی فاصلے کو برقرار رکھنا لازمی ہوگا۔
ضلع کلکٹر سورج مانڈھرے نے دیوالی کے پیش نظر کہا کہ برادران وطن کم سے کم پٹاخوں کا استعمال کریں تاکہ کسی کو تکلیف نہ ہو۔
