اورنگ آباد: کسانوں کوبھاری نقصان، لاکھوں روپے کی فصل تباہ

اورنگ آباد میں 9 دن کے سخت کرفیو نے لوگوں کی کمر توڑ کر رکھ دی ہے شہر کے اطراف میں ہزاروں ایکڑ پر محیط سبزی اور ترکاری کی کھیتی کرنے والے کسانوں کا فصل تیار ہے لیکن منڈیوں میں سناٹا پڑا ہوا ہے۔

ریاست مہاراشٹر کے ضلع اورنگ آباد میں نو دن کی مکمل کرفیو کی وجہ سے تمام تر سرگرمیاں ٹھپ رہیں جن میں ٹرانسپورٹ اور سبزی منڈیوں پر پابندی بھی شامل ہے۔ اس کا نتیجہ یہ ہو رہا ہے کہ شہریان کو سبزی ترکاری کی قلت کا سامنا نا ہے تو دوسری جانب کسانوں کی فصلوں کا کوئی خریدار نہیں مل رہا۔ ای ٹی وی بھارت کی ٹیم نے شہر کے قریبی گاؤں وروڈ قاضی گاؤں کے کسانوں کا حال جاننے کی کوشش کی۔

اورنگ آباد: کسانوں کا لاکھوں روپے کی فصل تباہ

اورنگ آباد: کسانوں کا لاکھوں روپے کی فصل تباہ

کورونا کی وبا نے معیشت کو تباہی کے دہانے پر پہنچا دیا ہے۔ غریب بھوک سے پریشان ہیں تو کسان اور تاجر پر کرفیو کی مار پڑ رہی ہے۔ اورنگ آباد میں نوں دن کے سخت کرفیو نے لوگوں کی کمر توڑ کر رکھ دی ہے شہر کے اطراف میں ہزاروں ایکڑ پر محیط سبزی اور ترکاری کی کھیتی کرنے والے کسانوں کا فصل تیار ہے لیکن منڈیوں میں سناٹا پڑا ہوا ہے۔ روزمرہ کی ترکاری فروخت کر کے دو وقت کی روٹی کا انتظام کرنے والے کسان آج پریشان ہیں۔ قرض لےکر کھیتی کرنے والے کسان کرفیو کی وجہ سے پریشان ہیں۔

سبزی ترکاری انسانوں کی روزمرہ کی ضرورت میں شامل ہے لیکن ٹرانسپورٹ پر پابندی سے نتیجہ یہ ہو رہا ہے کہ کسانوں کی کھڑی فصلیں تباہ ہورہی ہے۔ کسانوں سے سبزی ترکاری خریدنے والوں کا بھی کہنا ہے کہ 'لاک ڈاؤن کی وجہ سے سارے شہر بند ہے جس کی وجہ سے وہ کسانوں سے سبزی ترکاری نہیں خرید پا رہے ہیں۔