ریاست مہاراسٹر کے مسلم اکثریتی شہر مالیگاؤں کی کارپوریشن میں ہورہی کروڑوں روپے کی بدعنوانیوں ذمہ دار جنتا دل سیکولر پارٹی نے کانگریس پارٹی ٹھہرایا ہے ۔
مہاراسٹر کے مسلم اکثریتی شہر مالیگاؤں میں آج 5 فروری 2020 کو مہا گٹھ بندھن ایم آئی ایم اور جنتادل سیکولر کی جانب سے شان ہند کی صدارت میں اردو میڈیا سینٹر پر ایک پریس کانفرنس منعقد کی گئی۔
اس پریس کانفرنس میں کارپوریشن میں ہو رہی مخلتف قسم کی بدعنوانیوں کو مستقیم ڈگنیٹی، پروفیسر رضوان خان اور شان ہند نے میڈیا کے سامنے اجاگر کیا، اس سے اعجاز بیگ، حاجی حنیف صابر اور دیگر جنتادل سیکولر کے کارپوریٹرس و رضاکاروں نے اس پریس کانفرنس میں شرکت کی۔
جنتادل سیکولر گٹ نیتا کارپوریٹر شان ہند نے کہا کہ مالیگاؤں میں سب سے بڑا مسئلہ حفظان صحت کا ہے،شہر میں ناقص صاف صفائی اور روزانہ کچرا نہ اٹھانے کی وجہ سے نئی نئی بیماریاں عام رہی ہے۔
دوسری جانب شہر کے سرکاری دواخانوں کا برا حال ہے، علی اکبر واڈیا، اور جنرل سول ہاسپٹل میں فوری طبی سہولیات کا فقدان بھی ہے۔
جنتادل سیکولر کے کارپوریٹر مستقیم ڈگنیٹی نے کارپوریشن میں ہو رہی بدعنوانیوں کا ذمہ دار موجودہ کانگریس مئیر اور سابق میئر طاہرہ شیخ رشید کو ٹھرایہ ہے۔
انہون نے کہا کہ شہر کی صاف صفائی کا ٹھیکہ پرائیوٹ واٹر گریس کمپنی کو پہلے دیا گیا تھا۔ لیکن بعد میں اس کمپنی کو کارپوریشن انکوائری کے تحت نا اہل قرار دیا گیا تھا، پھر بھی شہر کے بنیادی کاموں کا ٹھیکہ اسی کمپنی کے زیر نگرانی چل رہا ہے۔
اس پریس کانفرنس میں مہا گٹھ بندھن کے ذمہ داران نے کہا کہ اگلی مہا سبھا میں واٹر گریس کمپنی کے ٹھیکہ کو رد کئے جانے کی مانگ کی جائے گی۔
انہوں نے یہ بھی کہا کہ کارپویشن میں ہو رہی کانگریس پارٹی کی بدعنوانی کے خلاف احتجاج بھی کیا جائے گا، تاکہ عوام کے سامنے حقیقت سامنے آئے۔
