تعطیلاتی بینچ کے جج جسٹس ایم جے جامدار نے اتوار کو ای ڈی کی طرف سے داخل کی گئی عرضی کے جواب میں ایک حکم جاری کیا، جس میں ہفتے کے روز خصوصی عدالت کے جج پی آر سیترے کے فیصلے کو چیلنج کیا گیا تھا۔
ای ڈی نے خصوصی عدالت کے سامنے دائر عرضی میں دیشمکھ کی حراست میں مزید نو دن کی توسیع کی درخواست کی تھی، جسے عدالت نے مسترد کر دیا۔
دیشمکھ کے وکیل سینیئر ایڈوکیٹ وکرم چودھری اور انیکیت نکم نے عدالت کو بتایا کہ ای ڈی کی درخواست کی اہلیت اور صداقت جانے بغیر وہ اپنی مرضی سے تعاون کر رہے ہیں۔ انہوں نے جانچ میں مدد کی ہے اور انہیں آگے کی ریمانڈ پر بھی کوئی اعتراض نہیں ہے۔
یہ بھی پڑھیں: Tripura Violence: تریپورہ پولیس کی ٹویٹر کو 68 اکاؤنٹس بند کرنے کی ہدایت
ای ڈی کے وکیل ایڈیشنل سالیسیٹر جنرل انیل سنگھ اور ایڈوکیٹ شری رام شرسات نے بامبے ہائی کورٹ کو بتایا کہ انہیں خصوصی پی ایم ایل اے عدالت کی طرف سے حراست میں توسیع کی اجازت نہیں دی گئی۔
یو این آئی
