بھیونڈی کرائم برانچ کی ٹیم نے خفیہ اطلاع کی بنیاد پر کلیان سے اسے گرفتار کرکے اس کے پاس سے تقریباً دو لاکھ روپے کی پرانی کرنسی برآمد کرنے کا دعویٰ کیا ہے۔
پولیس ذرائع کے مطابق ریاست اترپردیش کے سدھارتھ نگر سے تعلق رکھنے والا شاطر ملزم محمد شریف عرف بابا عبدالقادری 43 برس کو نلجے ریلوے اسٹیشن پر ہونے والی 55 لاکھ کی ڈکیتی کے معاملے عدالت نے دس برس کی سزا سنائی تھی اور وہ مہاراشٹر کی ناسک جیل میں قید تھا۔
سنہ 2014 میں ناسک جیل سے پیرول پر آنے کے بعد وہ فرار ہوگیا اور گزشتہ 6 برس سے پولیس اسے تلاش کررہی تھی۔
اسی درمیان بھیونڈی کرائم برانچ ٹیم کو خفیہ اطلاع ملی کہ شریف قادری کلیان واقع ٹٹوالہ میں روپوش ہے اور اکثر کلیان میں اپنے رشتہ دار سے ملنے آتا رہتا ہے۔
اسی اطلاع پر کرائم برانچ کی ٹیم نے ٹریپ لگاکر اسے گرفتار کیا ہے۔ اس شاطر ملزم نے پولیس سے اعتراف کیا کہ اس نے اپنے ساتھیوں کے ساتھ مل کر نوی ممبئی واقع پاپولر فائنانس کمپنی سے 18 کلو سونا چوری کرنے اور پیرول سے فرار ہونے کے بعد اس نے اورنگ آباد اور حیدرآباد سے موتھوٹ فائنانس کمپنی سے سونا لوٹنے کی واردات کو انجام دیا تھا۔
فی الحال پولیس کے اعلیٰ افسران اس شاطر ملزم سے پوچھ گچھ کررہے ہیں۔
