مالیگاؤں میں کورونا کے مریضوں کی تعداد میں اضافہ سے کارپوریشن انتظامیہ کی جانب سے شہر کے تمام سرکاری محکموں کی میٹنگ ہوئی جس میں ایڈیشنل کلیکٹر، پرانت آفیسر، تحصیلدار، ایڈیشنل ایس پی اور میونسپل کارپوریشن انتظامیہ کے نمائندوں نے شرکت کی۔
اس میٹنگ میں فیصلہ لیا گیا کہ 9 مارچ سے 31 مارچ تک شہر کے تمام پرائیویٹ اور سرکاری اسکولوں کو بند رکھا جائے گا۔
میٹنگ کے بعد پریس کانفرنس کی اس بات کی اطلاع میئر طاہرہ شیخ اور مالیگاؤں میونسپل کارپوریشن کے ڈپٹی کمشنر نتن کاپڑنیس نے دی۔
پریس کانفرنس میں میئر طاہرہ شیخ نے کہا کہ پوری ریاست میں کورونا کے مریضوں کی تعداد میں تیزی سے اضافہ ہوہا ہے۔ عوام کی صحت کی حفاظت کرنا کارپوریشن کا اولین فرض ہے۔ اگر احتیاطی قدم نہیں اٹھایا گیا تو ایک بار پھر سے عوام کو لاک ڈاؤن جیسی سخت پابندی کا سامنا کرنا پڑ سکتا ہے۔
اس کے علاوہ ڈپٹی کمشنر نتن کاپڑنیس نے بتایا کہ اسکولوں اور کوچنگ کلاسز میں کورونا سے متعلق رہنما اصولوں کی خلاف ورزی ہو رہی ہے۔ اس معاملہ میں دس روز قبل اکھل بھارتیہ اردو شکشک سنگھ کے صدر نے اسکولوں کو بند کرنے کا مطالبہ کیا تھا۔
