اسدالدین اویسی کی جانب سے اورنگ آباد میں طبی آلات پہنچانے گئے

ریاست مہاراشٹر کے ضلع اورنگ آباد میں اسدالدین اویسی کی جانب سے کورونا وبا کے دوران اورنگ آباد شہر کو طبی آلات پہنچائے گئے جن میں وینٹی لیٹر، آکسیجن اور ادویات کا اسٹاک شامل ہے۔ یہ آلات ایک معاہدے کے تحت اورنگ آباد شہر کے پرائیوٹ اسپتالوں کو مفت میں دئے جائیں گے۔

مجلس اتحاد المسلمین کے سربراہ اسدالدین اویسی کی طرف سے اورنگ آباد کے شہریان کے لیے طبی آلات روانہ کیے گئے ہیں۔

ایم پی آفس کو موصول ان طبی آلات میں وینٹی لیٹر، آکسیجن اور کورونا کی ادویات شامل ہیں۔

اورنگ آباد کے رکن پارلیمان امتیاز جلیل کا کہنا ہے کہ اسی طرح کا طبی سامان بہار کو بھی روانہ کیا گیا ہے، یہ طبی آلات ایک معاہدے کے تحت اورنگ آباد شہر کے پرائیوٹ اسپتالوں کو مفت میں دئے جائیں گے۔

ایم پی امتیاز جلیل کے مطابق ان آلات کے استعمال کے لیے تربیت دی جائے گی تاکہ کورونا مریضوں کے علاج میں ممکنہ مدد کو یقینی بنایا جاسکے۔