اندور:ملک کی دوسری ریاستوں کی مدھیہ پردیش میں اندور سمیت مختلف شہروں میں بھی رمضان المبارک کی رونقوں میں زبردست اضافہ ہوا ہے۔
رمضان المبارک کا مقدس مہینہ جاری ہے۔ مسلمان اس ماہ میں میں جوش و خروش کے ساتھ عبادت کرتے ہیں۔ مسجدوں میں نمازیوں کی تعداد بھی اضافہ ہوا ہے۔ افطار سے چند لمحے قبل روزے دار افطاری کی خریداری کرتے ہوئے نظر آتے ہیں۔دکاندار بھی ان روزہ داروں کے لئے نئی نئی ڈش تیار کرنے میں مصروف رہتے ہیں۔ دکاندار خریداروں کو راغب کرنے کی ہر ممکن کوشش کرتے ہیں۔
روزدار صابر چاچا نے بتایاکہ عصر کی نماز سے فارغ ہوکر لوگ تازی اور گرما گرم افطاری خریداری کے لئے بازار کا رخ کرتے ہیں۔ اس وقت بازاروں میں بڑی بھیڑ ہوتی ہے۔ وہیں حاجی محمود منصور نے کہاکہ کئی بار روزہ دار افطاری کی خریداری میں اتنے مصروف ہوجاتے ہیں کہ انہیں وقت کا ذرا بھی خیال نہیں رہتا ہے۔ ہوٹل کے فاروق کا کہنا تھا کہ رمضان میں اسپیشل ڈش تیار کی جاتی ہے مگر روزہ اداروں نے طے کر لیا ہے کہ وہ آخری وقت میں ہی خریداری کرنے آئیں گے۔ انہوں نے کہا کہ رمضان المبارک کی برکت سے بازارون میں چار چاند لگ گئے ہیں اور روزہ دار مختلف قسم کی اشیاء خرید کر بازار کی گہماگہمی بڑھانے میں اپنا کردار ادا کرتے ہیں۔ ایک دکاندار نے بتایا کہ روزہ داروں کی خدمت کرنے میں انہیں خاص لطف آتا ہے کیونکہ ایسا موقعہ سال میں بار بار نصیب نہیں ہوتا۔
