ریاست مدھیہ پردیش کے جبل پور ضلع میں کورونا وائرس سے متاثرہ چھ نئے معاملے سامنے آنے کے بعد یہاں متاثرین کی تعداد بڑھ کر 26 ہوگئی ہے۔ ایک خاتون کی موت بھی ہوئی ہے، موت کے بعد جانچ رپورٹ میں کورونا پازیٹو پائی گئی تھی۔
سرکاری اطلاع کے مطابق 'کل موصول جانچ رپورٹ میں چھ پازیٹو پائے گئے۔ ان میں سے چار پہلے سے کورونا متاثرہ مریض کے کنبے کے رکن ہیں، جبکہ ایک خاتون کی موت کے بعد لئے گئے نمونوں میں وہ پازیٹو پائی گئی۔ اس طرح جبل پور میں کل 26 معاملے آچکے ہیں۔'
آئی سی ایم آر لیب سے کُل 40 نمونوں کی ٹیسٹ رپورٹ حاصل ہوئی ہے۔ پانچ پازیٹو کے علاوہ باقی نگیٹو آئی ہیں۔ اس سے پہلے صبح اندور سے آئے منڈلا ضلع کے رہنے والا شخص کوویڈ 19پازیٹو پایا گیا تھا۔
