'لہو سے میری پیشانی پہ ہندوستان لکھ دینا'

صنعتی شہر اندور میں شہریت ترمیمی قانون کے خلاف جاری احتجاج میں معروف شاعر راحت اندوری پہنچے اور مظاہرین سے خطاب کیا۔

ریاست مدھیہ پردیش کے شہر اندور میں شہریت ترمیمی قانون کے خلاف جاری احتجاج میں راحت اندوری نے طنز کرتے ہوئے کہا کہ 'مجھے نہیں معلوم بھارت کا وزیراعظم کون ہے، مودی یا امت شاہ۔'

واضح رہے کہ سی اے اے، این آر سی اور این پی آر کے خلاف شاہین باغ کی طرز پر صنعتی شہر اندور میں بھی پچھلے 22 روز سے مسلسل مظاہرے جاری ہیں۔

احتجاج میں معروف شاعر راحت اندوری نے شرکت کی اور مظاہرین کو خطاب کرتے ہوئے کلام سنایا۔ وہیں نریندرمودی کو نصیحت دیتے ہوئے کہا کہ 'وہ ملک کا آئین پڑھ لیں اور اگر نہیں پڑھا جاتا تو کسی سے پڑھوا کر سمجھ لیں۔'

راحت اندوری میڈیا کے سوال کے جواب میں کہا کہ جس طرح کے آج ملک کے حالات ہیں وہ پچھلے 70 برسوں سے ہے ۔
انہوں نے مجید کہا کہ کوئی بھی شریف آدمی اس سیاہ قانون( اندھے) قانون کو نہیں مانے گا، مجھے نہیں معلوم کی بھارت کے وزیراعظم کون ہے امیت شاہ یا نریندرمودی ۔