عالمی ادارہ صحت کی جانب سے کورونا وائرس کو ہنگامی صورتحال قرار دینے کے بعد عالمی سطح پر اس سے تحفظ کے لیے تیاریاں زوروں پر چل رہی ہیں۔ اسی کے پیش نظر ہولی کے پانچ روز بعد رنگ پنچمی کے تہوار کے ایک دن قبل بجربٹو پروگرام کو ملتوی کر دیا گیا ہے۔ بجربٹو کا انعقاد گزشتہ 20 برسوں سے ہوتا آرہا ہے مگر کورونا وائرس کی وجہ سے اسے انتظامیہ نے آخری وقت میں ملتوی کرا دیا۔
اس موقع پر منظور احمد نے بتایا کہ اس پروگرام کا یہ ہمارا 22 واں برس ہے اور اس میں آل انڈیا کوی سمیلن اور بجربٹو کے اعزاز سے ہم نوازتے آئے ہیں۔ یہ ہولی کے پانچ روز بعد رنگ پنچمی کے تہوار کے ایک دن قبل اس جشن کا انعقاد کیا جاتا ہے۔
جشن میں شریک ہونے آئے بی جے پی کے جنرل سکریٹری کیلاش وجئے ورگیہ نے کہا کی اس پروگرام کو انتظامیہ نے ملتوی کرایا ہے اس کی وجہ کورونا وائرس ہے۔ لیکن ہمیں اس سے ڈرنے کی ضرورت نہیں ہے کیونکہ ہمارے پاس کورونا پچھاڑ ہنومان ہیں۔
انہوں نے مزید کہا کہ ہمارے ملک میں کورونا نہیں آ سکتا کیونکہ ہمارے پاس ہنومان ہیں۔
پروگرام کے منتظم بھوپین سنگھ کیسری نے کہا کہ علاقے کی عوام بڑی امید لے کر اس جشن میں شریک ہونے آئی تھی مگر انتظامیہ نے کورونا وائرس کا حوالہ دیتے ہوئے اسے ملتوی کرا دیا۔ اس سے ہمیں مایوسی ضرور ہوئی ہے مگر عوام کی صحت کا خیال رکھنا اولین ہے۔ ہم نہیں چاہتے کہ اس پروگرام کی وجہ سے سے عوام کی صحت پر برا اثر پڑے۔
