پاپولر فرنٹ آف انڈیا کی جانب سے مدھیہ پردیش سیلاب متاثرین کی مدد

پاپولر فرنٹ آف انڈیا نے مدھیہ پردیش میں آئے سیلاب سے متاثر افراد کے لیے اندور سے امدادی سامان کے 7 ٹرک روانہ کیے۔

ریاست مدھیہ پردیش کے شیوپور میں گزشتہ دنوں سیلاب نے بھاری تباہی مچائی تھی، اس سے آج بھی لاکھوں زندگیاں متاثر ہیں۔ ایسے نازک وقت میں پاپولر فرنٹ آف انڈیا نے سیلاب سے متاثر لوگوں کے لیے اندور اور اس کے آس پاس کے اضلاع سے 7 ٹرک امدادی سامان روانہ کیے۔ فرنٹ نے لوگوں سے سیلاب متاثرین کی دل کھول کر مدد کرنے کی اپیل کی ہے۔

پاپولر فرنٹ آف انڈیا کے صوبائی کارکن عبدالکریم نے بتایا کہ شیوپور میں سیلاب سے لاکھوں لوگ متاثر ہوئے ہیں۔ انہوں نے کہا کہ ہماری ٹیم ابتدائی دنوں سے ہی وہاں پر زمینی سطح پر خدمات انجام دے رہی ہے، وہاں جانی نقصان تو کم ہوا ہے لیکن مالی نقصانات زیادہ ہوا ہے۔ ایسے میں ان کے پاس کھانے پینے کی ضروری اشیاء تک ختم ہوگئی ہے۔ ہم نے ریڈی ٹو فوڈ کا اہتمام کیا اور اندور، اجین، مہد پور، شاہجہاں پور سے امدادی مواد پر مشتمل ٹرک روانہ کیے۔