ریاست مدھیہ پردیش کے ودیشہ میں کلکٹر ڈاکٹر پنکج جین کی سخت ہدایات کے بعد مقامی انتظامیہ مکمل طور پر چوکس ہوگئی ہے۔
ایس ڈی ایم انیل سونی نے شہر کا دورہ کیا۔ اس دوران لاک ڈاؤن کی خلاف ورزی کرنے پر تین شاپ آپریٹرز کے خلاف کارروائی کی گئی۔ دکان کو بھی سیل کردیا گیا۔
پولیس نے شہر کے مختلف چوک چوراہوں پر سختی برتنی شروع کردی ہے۔
ایس ڈی ایم انیل سونی نے بھی لوگوں سے ماسک لگانے کی اپیل کی تاکہ انفیکشن کا خطرہ نہ ہو۔
ایس ڈی ایم نے شاپ آپریٹرز کو سخت ہدایات دیں کہ اگر کوئی تاجر ماسک کے بغیر سامان فروخت کرتے ہوئے پایا گیا تو سخت کارروائی کی جائے گی۔
