ریاست مدھیہ پردیش کے دارالحکومت بھوپال کی تنظیم پربھات ساہتیہ پریشد کے زیر اہتمام پروگرام میں مشہور شاعر مرحوم شفق تنویر کو یاد کیا گیا۔ جس میں بھوپال کی شاعرہ خالدہ سلطان صدیق کو اعزاز سے نوازا گیا اور مشاعرے کا بھی اہتمام کیا گیا۔
بتا دیں کہ یہ تنظیم پربھات ساہتیہ پریشد گذشتہ کئی برسوں سے ہر برس 'یاد شفق تنویر' کا انعقاد کر ان کی یاد میں اعزاز اور مشاعرہ کا اہتمام کرتی ہے۔
یہ بھی پڑھیں: بھوپال کے 300 سالہ قدیم شاہی حمام کی خدمات آج بھی جاری
اس موقع پر شفق تنویر کو یاد کرتے ہوئے مقررین نے کہا کہ شفق تنویر ایک ایسے استاد شاعر تھے جنہوں نے زبان کو سنبھال کر رکھا اور انہوں نے ہمیشہ اردو زبان کے پڑھنے اور اس میں شوق رکھنے والوں کو آگے کیا۔
مدھیہ پردیش میں مرحوم شفق تنویر ایک ایسا نام ہے جنہوں نے اردو زبان کی خدمت ہر طرح سے کی اور اس زبان اور اس کے چاہنے والوں کو ہمیشہ آگے بڑھانے میں پیش پیش رہے۔
