راجستھان کے کوٹہ سے مدھیہ پردیش کے طلبہ کو واپس لانے گوالیار سے 150 بسیں آج روانہ کی گئیں ہیں۔ ان بسوں کو مکمل طور پر سینیٹائز کر کے حفاظتی نظام کے ساتھ بھیجا گیا ہے اور دیگر ضروری حفاظتی انتظامات بھی ان بسوں میں کئے گئے ہیں۔
مدھیہ پردیش کے جو بچے راجستھان کے کوٹہ شہر میں پڑھائی کے لئے گئے ہیں، انہیں گھر واپس لانے کے لئے وزیراعلی شیوراج سنگھ چوہان کی ہدایت پر گوالیار سے 150 بسیں کوٹہ کے لئے روانہ کی گئی ہیں۔
گوالیار میں بسوں کو سینیٹائز کیا گیا ہے۔ میونسیپل کارپوریشن کی پوری ٹیم نے بسوں کو سینیٹائز کرنے کے ساتھ ساتھ پوری طرح سے صاف کرکے بچوں کےلئے روانہ کیاہے۔
گوالیار کلیکٹر کوشلیندر وکرم سنگھ نے بتایا کہ 'کوٹہ سے بچوں کو لانے بس روانہ کرنے کے ساتھ ہی حفاظت کے سبھی انتظامات پختہ کئے گئے ہیں۔
اس کے ساتھ ہی افسروں کو ہدایت دی گئی ہے کہ وہ کورونا وائرس کے انفیکشن کی روک تھام کے لئے سبھی ضروری اقدامات کئے جائیں۔ بچوں کو کسی بھی قسم کی پریشانی نہ ہو،اس کے لئے بھی انتظامیہ نے انتظام کئے ہیں۔
