Corona Update: راحت بھری خبر: مدھیہ پردیش میں محض 15 کیسز

مدھیہ پردیش میں کورونا کیسز میں مسلسل کمی آرہی ہے۔ آج پوری ریاست میں کورونا وائرس کے کل 15 نئے کیسز سامنے آئے ہیں، جب کہ 23 صحت یاب ہوئے ہیں۔

مدھیہ پردیش میں کورونا وائرس کی دوسری لہر نے جہاں خطرناک صورت حال پیدا کردی تھی، وہیں اب کیسز میں مسلسل کمی ہورہی ہے، جو ایک راحت بھری خبر ہے۔

کورونا وائرس کے کیسز کے سلسلے میں ریاستی وزیر داخلہ نروتم مشرا نے میڈیا کو کورونا اپڈیٹ دیتے ہوئے کہا کہ پورے صوبے میں آج محض 15 کورونا مثبت مریض ملے ہیں، جب کہ 23 افراد صحت یاب ہوئے ہیں۔

ایسے میں اب مدھیہ پردیش میں کل ایکٹیو کیسز 164 رہ گئے ہیں اور پورے مدھیہ پردیش میں 76 ہزار 261 سیمپل لیے گئے ہیں۔ ریاست کا پازیٹیوٹی ریٹ 0.019 فیصد رہ گیا ہے، جب کہ ریکوری ریٹ 98.6 فیصد ہے۔

وزیر داخلہ نے کہا کہ جیسا کہ پہلے بھی اطلاع دی گئی تھی اور ابھی بھی کہہ رہے ہیں کہ ریاست میں کورونا کی تیسری لہر اپنے پیر نہیں پھیلاسکے اس کے لئے سرکار پوری طرح سے تیار ہے۔