الیکشن کمیشن کا پرینکا گاندھی کو نوٹس

ریاست مدھیہ پردیش میں آج شام 5 بجے انتخابی مہم ختم ہوجائے گی۔ ریاست میں 230 نشستوں پر مشتمل اسمبلی کے لئے 17 نومبر کو ووٹنگ ہوگی جب کہ 3 دسمبر کو نتائج کا اعلان کیا جائے گا۔

نئی دہلی: الیکشن کمیشن نے کانگریس کی رہنما پرینکا گاندھی واڈرا کو مدھیہ پردیش میں ایک انتخابی جلسہ عام کے دوران وزیر اعظم نریندر مودی پر کیے گئے تبصروں کے لیے نوٹس جاری کیا ہے اور ان سے جمعرات کی شام 8 بجے تک جواب طلب کیا ہے۔ انتخابی پینل نے منگل کی رات پرینکا گاندھی کو ایک نوٹس میں کہا ہے کہ "کمیشن کو بھارتیہ جنتا پارٹی کی جانب سے 10 نومبر کو ایک شکایت موصول ہوئی ہے جس میں یہ الزام لگایا گیا ہے کہ سنور اسمبلی حلقہ میں ایک عوامی ریلی سے خطاب کے دوران مدھیہ پردیش میں آپ نے وزیر اعظم نریندر مودی کے تعلق سے غیر تصدیق شدہ اور جھوٹے بیانات دیے ہیں جو عوام کو گمراہ کرنے اور وزیر اعظم کی شبیہ کو داغدار کرنے کا باعث بنتے ہیں"۔

• Election Commission issues a show-cause notice to Congress General Secretary Priyanka Gandhi Vadra after BJP complained to EC that while addressing a public rally at Sanwer Assembly Constituency in Madhya Pradesh, "she made unverified and false statements in respect of PM… pic.twitter.com/Yp7A8hDX2z

  — ANI (@ANI) November 14, 2023 " class="align-text-top noRightClick twitterSection" data="

  Election Commission issues a show-cause notice to Congress General Secretary Priyanka Gandhi Vadra after BJP complained to EC that while addressing a public rally at Sanwer Assembly Constituency in Madhya Pradesh, "she made unverified and false statements in respect of PM… pic.twitter.com/Yp7A8hDX2z

  — ANI (@ANI) November 14, 2023

  ">

  Election Commission issues a show-cause notice to Congress General Secretary Priyanka Gandhi Vadra after BJP complained to EC that while addressing a public rally at Sanwer Assembly Constituency in Madhya Pradesh, "she made unverified and false statements in respect of PM… pic.twitter.com/Yp7A8hDX2z

  — ANI (@ANI) November 14, 2023

کمیشن نے کہا کہ عام طور پر عوام کا ماننا ہے کہ سینئر لیڈر اور نیشنل پارٹی کے اسٹار کمپینر کے بیانات سچ ہیں۔ "توقع کی جاتی ہے کہ ایسے لیڈر کے پاس ان بیانات کی حقیقت ہے"۔ پول پینل نے کہا کہ"آپ نے حقائق کی تصدیق کی ہوگی جیسا کہ بیان کیا گیا ہے تاکہ ووٹرز کو گمراہ کرنے کا کوئی امکان باقی نہ رہے"۔

کمیشن نے کہا کہ "اس لیے اب آپ سے مطالبہ کیا جاتا ہے کہ ایک اور نیشنل پارٹی کے اسٹار کمپینر کے خلاف دیے گئے اپنے بیان کی وضاحت کریں اور 16 نومبر 2023 کی رات 8 بجے تک وجہ ظاہر کریں کہ انتخابی ضابطہ اخلاق کی خلاف ورزی پر آپ کے خلاف مناسب کارروائی کیوں نہ کی جائے''۔ الیکشن کمیشن نے مزید کہا کہ "مقررہ وقت کے اندر آپ کی جانب سے کوئی جواب نہ آنے کی صورت میں یہ سمجھا جائے گا کہ آپ کے پاس اس معاملے میں کہنے کے لیے کچھ نہیں ہے اور الیکشن کمیشن اس معاملے میں مناسب کارروائی یا فیصلہ کرے گا"۔

واضح رہےکہ ریاست مدھیہ پردیش کی 230 نشستوں پر مشتمل اسمبلی کے لئے 17 نومبر کو ووٹنگ ہوگی جبکہ 3 دسمبر کو نتائج کا اعلان کیا جائے گا۔

( آئی اے این ایس )