مدھیہ پردیش کے دارالحکومت بھوپال میں سیاسی حالات لگاتار مسلسل بگڑتے جا رہے ہیں اور سابق وزیراعلی دگ وجے سنگھ اپنے اراکین اسمبلی کو منانے بنگلور پہنچے تھے تو وہاں پر انہیں ان سے ملنے نہیں دیا گیا نیز انہین اور ان کے ساتھیوں کو گرفتار کر لیا گیا،
دگ وجے سنگھ کی گرفتاری کے بعد بھوپال میں کانگریس کارکنان میں کافی ناراضگی دیکھی گئی اور انہوں نے بھارتیہ جنتا پارٹی کے دفتر کا گھیراؤ کیا۔
اس دوران بھارتیہ جنتا پارٹی کے دفتر کو پولیس چھاؤنی میں تبدیل کردیا گیا۔
بی جے پی دفتر کے گھیراؤ کے دوران دونوں پارٹیوں کے کارکنان اور پولیس کے مابین لگاتار زور آزمائی۔
کانگریس کارکنان کا کہنا تھا کہ یہ سب وزیراعظم نریندر مودی اور امت شاہ کے اشاروں پر کیا جا رہا ہے، کانگریس کی حکومت گرانے کے لیےاس کے اراکین اسمبلی کو یرغمال بنا لیا گیا۔
کانگریس کارکنان نے مزید کہا کہ 'جب تک 22 اراکین اسمبلی کو آزاد نہیں کیا جاتا تب تک اس طرح احتجاج جاری رہیں گے۔
