مدھیہ پردیش کے صنعتی شہر اندور میں کانگریس کارکنان نے ضلع بدر کی کاروائی سے ناراض ہوکر ریاستی حکومت اور ضلع انتظامیہ کے خلاف جم کر احتجاج کیا، اس دوران سابق وزیراعلی دگ وجے سنگھ نے کمشنر دفتر پہنچ کر ایک میمورنڈم سونپا۔
کانگریس کے اس مظاہرے میں اندور کی 75 سالہ دادی حلیمہ بی نے بھی شرکت کی اور موجودہ حکومت سے ناراضگی کا اظہار کرتے ہوئے کہا کہ 'وہ ہجری 65 سے کانگریس کی کارکنان ہیں۔ اور اس کی پالیسی انہیں متاثر کرتی ہیں۔
75 سالہ دادی حلیمہ بی نے بتایا کہ اندرا گاندھی کے دور میں وہ جیل بھی گئیں تھیں اور ابھی بھی وہ کانگریس پارٹی کے ساتھ ہیں اور آگے بھی کانگریس کے مظاہروں میں شرکت کرتی رہیں گی۔
انہوں نے کہا کہ موجودہ حکومت کی جانب سے کانگریس پارٹی کے کارکنان کے خلاف جو کاروائی کی جارہی ہے وہ غلط ہے، انہوں ملک میں مسلسل ہورہے مہنگائی کی بھی پرزور مخالفت کی۔
مزید پڑھیں:
واضح رہے کہ اندور میں ضلع انتظامیہ نے کانگریس کے متعدد رہنماؤں سمیت دیگر کارکنان پر مقدمہ درج کیا ہے، وہیں کچھ کارکنان کو تو ضلع بدر تک کی نوٹس جاری کی گئی ہے، جس سے ناراض ہو کر ریاست کے سابق وزیر اعلی دگ وجے سنگھ کے قیادت میں آج کانگریس کارکنان نے اندور میں جم کر احتجاج کیا۔
