مرکز کے زیر انتظام لداخ میں ڈائریکٹوریٹ آف ہیلتھ سروسز کی جانب سے شائع کیے گئے بلیٹن کے مطابق لداخ خطے میں کورونا وائرس کے تین مزید نمونے مثبت پائے گئے ہیں۔
محکمہ صحت لیہہ کو چھوشوت یوقمہ میں قائم کووڈ19 لیبارٹری سے 23 نمونوں کے نتائج موصول ہوئے، جن میں سے 9نمونے ضلع لیہہ اور 14 نمونے ضلع کرگل کے ہیں۔
مثبت نمونوں میں ایک رپورٹ ضلع لیہہ جبکہ دو دیگر مثبت رپورٹس ضلع کرگل کی ہیں۔
بلیٹن میں مزید بتایا گیا ہے کہ لداخ میں کورونا وائرس کے تمام 48 مثبت مریضوں کی حالت مستحکم ہے۔ اس وقت ضلع لیہہ میں 10 جبکہ ضلع کرگل میں 38 کیس ہیں۔
واضح رہے کہ لداخ میں کورونا وائرس کے 97 کیسز سامنے آئے ہیں جن میں سے 48 صحت یاب ہو چکے ہیں اور 48 دیگر زیر علاج ہیں۔ جبکہ کورونا وائرس سے متاثرہ ایک مریض کی موت واقع ہوئی ہے۔
