مرکز کے زیر انتظام خطہ لداخ میں مہبودی انٹرنیشنل میڈیٹیشن سنٹر کے بانی و صدر ون بکھو سنگھا سینا نے ایل جی ریلیف فنڈ کیلئے 2 لاکھ روپےکا عطیہ دیا۔
انہوں نے یہ عطیہ اپنے دفتر میں کمشنر سیکرٹری ہیلتھ اینڈ میڈیکل ایجوکیشن رگزن سمفیل کو پیش کیا۔
خطہ لداخ میں عالمی وبا کورونا وائرس کے سلسلے میں انہوں نے مہابودھی خیراتی ہسپتال کو لیہہ ضلع میں کورونا متاثرہ مریضوں کے علاج کے لئے کووڈ19 ہسپتال میں تبدیل کرنے کی پیشکش کی۔
اس سے قبل بھی مہبودی انٹرنیشنل میڈیٹیشن سنٹر نے لداخ اور کشمیر میں سیلاب کی بحرانی صورتحال کے دوران امداد اور راحت رسانی کے کام میں حصہ لیا تھا۔
