کووڈ 19: لداخ میں 20 نئے مثبت کیسز

مرکزی علاقہ لداخ میں گزشتہ روز 20 افراد کا کورونا وائرس کا ٹیسٹ مثبت یایا گیا جن میں سے 17 کا تعلق ضلع کرگل سے ہے جبکہ 3 لیہہ کے رہنے والے ہیں۔

واضح رہے کہ لداخ میں اب تک کورونا وائرس کے کل مریضوں کے تعداد 74 ہو گئی ہے۔ ان میں سے 43 صحتیاب ہو کر ہسپتال سے رخصت ہوئے۔ تاہم 31 ابھی زیر علاج ہیں۔

لداخ کے کمشنر سیکریٹری برائے صحت رگزن سمفل نے مثبت پائے گئے کیسز کی تصدیق کی۔ انہوں نے ٹویٹ کیا کہ لداخ میں کووونا وائرس کے 20 نئے معاملے سامنے آئے ہیں۔

ٹویٹ میں مزید کہا گیا کہ سترہ مریض کرگل سے ہیں اور دیگر تین لیہہ سے بتائے جا رہے ہیں۔

قابل ذکر ہے کہ لداخ میں اب تک ایک دن میں سب سے ذیادہ مثبت کیسیں سامنے آئے ہیں۔