ائیر انڈیا کی فلائٹ جودھ پور کے ایئرپورٹ پر صبح 4:45 بجے پہنچی۔
اس کے دو گھنٹے بعد دوسری فلائٹ پہنچی، ایئر لیفٹ کیے گئے بھارتیوں میں، خواتین، بچے، بزرگ اور نوجوان سبھی شامل ہیں۔ یہ تمام لداخ علاقے کے رہنے والے ہیں۔ حالانکہ ان سب کی ایران میں کورونا کی جانچ منفی آئی ہے۔ 14 دنوں تک انہیں قرنطینہ میں رکھا گیا تھا۔
جودھ پور پہنچنے پر ایئرپورٹ پر ہی ڈاکٹر ایس این میڈیکل کالج کی ٹیم نے تمام مسافروں کی اسکرینگ کی اور محکمہ صحت کی ٹیموں نے ان کے سامان کو بھی سینیٹائز کیا، جس کے بعد فوک کی گاڑیوں میں تمام کو دیگر علاقوں میں بنائے گئے سینٹرز میں لے جایا گیا جہاں انہیں 14 دنوں تک رکھا جائے گا، اسی دوران ان کا ایک مرتبہ پھر جانچ کی جائے گی۔
جودھ پور سول ایئرپورٹ منگل کی رات کے بعد سے بند ہوگیا تھا، ایسے میں ایئرپورٹ کے ہی گیٹ سے ان سب کو بسوں سے نکالا گیا۔ ایئرپورٹ پر ڈاکٹر ایس این میڈیکل کالج کے ڈاکٹرز اور محکمہ صحت کے افسران بھی موجود رہے۔
واضح رہے کہ اس سے قبل جیسلمیر میں بھی 400 سے زائد ایران میں رہ رہے بھارتیوں کو لایا گیاتھا جو فوج کے ویلینس سینٹر میں رہ رہے ہیں۔ان تمام کی بھی جانچ رپورٹ منفی آئی ہے۔
