کپواڑہ میں پرانا ہتھ گولہ پھٹنے سے کمسن لڑکا زخمی

زخمی کمسن لڑکے کو علاج و معالجہ کے لئے قریبی ہسپتال منتقل کیا گیا ہے جہاں اس کی حالت خطرے سے باہر بتائی جا رہی ہے۔

شمالی کشمیر کے ضلع کپواڑہ میں جمعرات کو ایک پرانے ہتھ گولے کے پٹھنے سے ایک دس سالہ لڑکا زخمی ہو گیا ہے۔

سرکاری ذرائع نے بتایا کہ ضلع کپواڑہ کے پرے پورہ کلاروس میں جمعرات کو زبیر احمد خان نامی ایک دس سالہ لڑکے نے دو پرانے ہتھ گولے دیکھے۔

انہوں نے بتایا کہ ان پرانے ہتھ گولوں کو چھیڑنے کے دوران ان میں سے ایک ہتھ گولہ پھٹ گیا جس کے نتیجے میں زبیر احمد آہنی ریزے لگنے سے زخمی ہوا۔

ذرائع نے بتایا کہ زخمی کمسن لڑکے کو علاج و معالجہ کے لئے قریبی ہسپتال منتقل کیا گیا ہے جہاں اس کی حالت خطرے سے باہر بتائی جا رہی ہے۔

انہوں نے مزید کہا کہ معاملے کی تحقیقات کی جا رہی ہے۔

یو این آئی