ضلع کپوارہ کے ہندارہ قصبے میں انتظامیہ نے غیر قانونی طور نالہ ماور سمیت مختلف ندی نالوں سے غیر قانونی طور ریت اور باجری نکالنے کے عمل کے خلاف کارروائی کا آغاز کرتے ہوئے نالوں کی جانب جانے والے راستوں کو سیل کر دیا۔
ضلع ترقیاتی کمشنر کپوارہ کی جانب سے سخت ہدایات جاری کیے جانے کے بعد جیالوجی اینڈ مائننگ اور محکمہ پولیس نے نالہ ماور کی جانب جانے والے راستوں کی کھدائی کی تاکہ غیر قاونونی طور ریت اور باجری نکالنے کا عمل رک جائے۔
ای ٹی وی بھارت کے ساتھ بات کرتے ہوئے ضلع کے منرل آفیسر نے کہا کہ ’’مختلف نالوں سے رات کے اندھیرے میں ریت اور باجری نکالنے کا عمل جاری تھا جس کے بعد نالہ ماور کی جانب جانے والے راستوں کی کھدائی کی گئی۔‘‘
انہوں نے مزید کہا کہ غیر قانونی طور ریت اور باجری نکالنے کے عمل سے نالہ میں مختلف مقامات پر گہری گڑھے بن گئے ہیں جن کی بھرائی کا عمل جلد شروع کیا جائے گا۔
مقامی لوگوں نے ضلع انتظامیہ کی جانب سے اٹھائے گئے اقدامات کی سراہنا کی، تاہم اس موقع پر افسران نے لوگوں کو رہی اس مہم میں انتظامیہ اور متعلقہ محکمہ کا تعاون دینے کی اپیل کی۔
انہوں نے کہا کہ عوامی مدد کے بعد ہی نالہ کو تحفظ فراہم کرکے ریت باجری نکالنے والوں کے خلاف کارروائی عمل میں لائی جا سکے گی۔
