بھاری برفباری سے مکان منہدم

مرکز کے زیر انتظام علاقہ جموں و کشمیر کے ضلع کپواڑہ میں بھاری برفباری کے سبب ایک مکان منہدم ہونے سے لاکھوں کا نقصان ہوا ہے۔

سرحدی ضلع کپواڑہ نوگام پٹھواری علاقہ میں ایک منزلہ رہائشی مکان کو نقصان پہنچا ہے۔

اطلاعات کے مطابق بھاری برفباری کی باعث اتوار کے روز ایک رہائشی مکان منہدم ہوگیا۔

ذرائع نے بتایا کہ امتیاز احمد خان ولد خنزمان خان ساکنہ پٹھواری ماور لنگیٹ میں بھاری برفباری کی وجہ سے اس کے مکان کو نقصان پہنچا ہے۔

مقامی افراد نے واقعے کی تصدیق کی ہے۔ اس میں کسی قسم کا جانی نقصان نہیں ہوا۔ البتہ مکان کو شدید نقصان پہنچا ہے

علاقے کے نائب تحصیلدار قلم آباد کی قیادت میں ایک ٹیم نے موقع پر جاکر نقصان کا جائزہ لیا۔

مکان مالک امتیاز احمد خان نے انتظامیہ سے نقصان کی بھرپائی کی اپیل کی ہے۔