ہندوارہ میونسپلٹی کی جانب سے صفائی مہم کا آغاز

شمالی کشمیر کے قصبہ ہندوارہ میں میونسپل کمیٹی کی جانب سے صفائی مہم کے تحت آگہی پروگرام کا انعقاد عمل میں لایا جارہا ہے۔

ضلع کپوارہ میں میونسپل کمیٹی ہندوارہ کی جانب سے ’’آزادی کے امرت مہا اتسو‘‘ کے تحت آگہی مہم کا آغاز کیا گیا جس میں میونسپل عملہ کے ارکان رضاکاروں کے ساتھ مل کر قصبہ میں لوگوں کو صفائی ستھرائی کا خیال رکھنے کی تلقین کررہے ہیں۔

میونسپل عملہ کے مطابق آگہی مہم 3 اکتوبر تک جاری رہے گی جس میں لوگوں خاص کر دکانداروں سے پالی تھین کا استعمال نہ کرنے اور کوڑا کرکٹ کو منتخب مقامات خصوصاً کوڑے دان میں ڈالنے کی تلقین کررہے ہیں۔

آگہی مہم کے دوران میونسپل عملہ لوگوں کو گھروں، نجی دفاتر، دکانوں سمیت پبلک پارکس، گلی کوچوں سمیت آس پاس کے ماحول کو صاف ستھرا رکھنے کی تلقین کررہے ہیں۔