تفصیلات کے مطابق قیمو کھڈونی کے پرائمری ہلیتھ سینٹر میں اچانک آگ لگی جس نے پوری عمارت کو اپنی لپیٹ میں لیا۔ آگ کے شعلے اتنے بلند تھے جس سے مقامی لوگوں میں خوف پیدا ہوا۔
آگ کو بجھانے کے لیے فائر اینڈ ایمرجنسی محکمہ جائے حادثہ پر پہنچا اور آگ بجھانے کی کوشش جاری ہے۔ فوری طور آگ لگنے کا پتہ نہیں چلا ہے۔
ادھر آج بڈگام کے بیروہ علاقے کے یتیم خانہ "اپنا گھر" میں آگ لگی جو تیزی سے پھیل گئی جس کے نتیجے میں عمارت کو شدید نقصان پہنچا۔
عینی شاہدین کے مطابق آگ عمارت کی چھت کے نیچے سے نمودار ہوئی جو تیزی سے پھیل گئی۔ اس دوران عمارت سے تمام بچوں کو بحفاظت نکالا گیا ہے۔
ایسی ہی ایک اور آگ کی واردات میں بڈگام قصبے کے زبر محلہ کے آغا سید عبداللہ کی رہائش گاہ میں اچانک آگ بھڑک اٹھی جو بہت تیزی کے ساتھ پھیل گئی اور پورے مکان کو اپنی زد میں لیا۔ آگ کی وجہ سے مکان میں موجود چند رسوئی گیس کے سلنڈر پھٹ گئے جس کے نتیجے میں یہ مکان مکمل طور پر خاکستر ہو گیا۔
ان دونوں آگ کی وارداتوں میں انسانی جانوں کو کسی بھی قسم کا کوئی نقصان نہیں ہوا۔
