جنوبی کشمیر کے کولگام ضلع کے کوسرناگ علاقے کے استن مارگ میں جمعرات کو سکیورٹی فورسز اور عسکریت پسندوں کے درمیان ایک مختصر جھڑپ میں ایک عدم شناخت عسکریت پسند ہلاک ہوا ہے۔۔Encounter in kulgam
کشمیر زون پولیس نے ٹیوٹر پر انکاؤنٹر کے بارے میں تفصیلات دیتے ہوئے لکھا کہ ، "ضلع کولگام کے کوسر ناگ کے استھان مارگ علاقہ میں ایک انکاؤنٹر ہوا جس میں ایک عسکریت پسند مارا گیا، تلاش ابھی بھی جاری ہے۔ مزید تفصیلات کا انتظار ہے۔
بتادیں کہ واضح رہے کہ بارہمولہ کے شیری چندوسہ جنگل علاقے میں بدھ کے روز سکیورٹی فورسز نے تلاشی آپریشن شروع کر دیا تھا جس دوران سکیورٹی فورسز اور عسکریت پسندوں کے درمیان فائرنگ کا تبادلہ ہوا تھا۔ ذرائع کے مطابق فائرنگ کے تبادلے میں ایک فوجی جوان زخمی ہوا تھا جس کو علاج و معالجے کے لئے نزدیکی ہسپتال منتقل کیا گیا تھا جہاں اس کی حالت مستحکم بتائی جا رہی ہے۔
سکیورٹی فروسز نے مذکورہ جنگل میں جمعرات کی صبح تلاشی آپریشن بحال کیا ہے۔ ذرائع نے بتایا کہ بارہمولہ کے شیری چندوسہ جنگل علاقے میں جائے تصادم آرائی پر جمعرات کی صبح تلاشی آپریشن بحال کر دیا گیا جو گذشتہ شام تاریکی ہونے کے باعث معطل کر دیا گیا تھا۔ Baramulla Encounter
