پولیس ذرائع نے بتایا کہ ضلع کٹھوعہ کے جسروتہ قلعے کے نزدیک ہفتے کو موٹر سائیکل پر سوار دو نوجوان بجلی کا کرنٹ لگنے سے ہلاک ہو گئے۔
متوفی نوجوانوں کی شناخت 26 سالہ ادیناش شرما ولد کلدیپ راج اور 27 سالہ سریش شرما ولد مدن لال ساکنان کٹھوعہ کے بطور ہوئی ہے۔
انہوں نے بتایا کہ دونوں موٹر سائیکل پر کہیں جا رہے تھے کہ وہ زمین پر پڑے بجلی کے ہائی ٹیشن لائن پر اچانک چڑھ گئے جس سے ان کی موت واقع ہوگئی۔
مذکورہ ذرائع نے بتایا کہ دونوں نوجوانوں کی لاشوں کو پوسٹ مارٹم کے لئے گورنمنٹ میڈیکل کالج کٹھوعہ منتقل کیا گیا۔
دریں اثنا ایس ایس پی کٹھوعہ رمیش کوٹوال نے واقعے کی تصدیق کی ہے۔
